第一次組裝iGoGoTV既時候,一路睇住本meun,一路落手砌模型咁砌,起初以為都幾難砌,不過砌下砌下唔洗幾分鐘就完成左。其實Magic-Pro個iGoGoTV係我第二隻買既Android TV Box,我之前貪平買過另一個牌子,售價六百左右既Android TV盒(唔講名,唔想玩抹黑),用落大部分Apps都裝唔到,只可以用黎上網睇戲,依家都無用啦。同以前個平平無奇既正方形盒對比,iGoGoTV MP188個外型流線好睇好多,我一砌好部iGoGoTV放上個電視頂之後就覺得好開心,因為我好想用佢黎同全家人一齊係期六日玩玩遊戲、用電視上網、上上Facebook、睇睇免費電影、最緊要係可以同我細仔玩下英文學習遊戲,成家享受家庭親子樂。
iGoGoTV個主機設計算係美觀得體,再加上腳架設計,機身可以長時間固定放置係電視機頂上,大家可以好容易理解到,電視機頂位係最好放置攝像鏡頭同Microphone既地方,所以iGoGoTV既視像效果係比其他機種表現好好多。
安裝好簡單,只要將個腳架以90度角打開.
再對齊個主機底座既兩個凹位.
雙手用力一推,就ok啦!
插好條電線、HDMI插頭,如果你用上網線上網,你可以插條網線去個網線插頭到,如果用WiFi上,咁就乜都唔洗做,只要開機去setting設定好個WiFi就可以啦,非常簡單!
我覺得放個iGoGoTV係個電視機頂,就好似放個webcam係電腦monitor上一樣簡單美觀,呢種設計係同類產品中都算係獨有架,哈哈,以前都無諗過D細路原來咁鐘意同我一齊玩啊!