熊貓酒店事件

[mtr]

https://www.facebook.com/IFC89/posts/pf ... BUZ9ahZkfl

1. 熊貓酒店事件，好多人問自殺之後，人壽有冇得真係賠足嗰筆1600萬元保額。

2. 其實成功索償有兩個條件，一個係自殺等候期（通常1至2年）是否已經過咗？過咗就通過咗第一關先。

3. 第二關係當事人投保時，有冇隱瞞嚴重精神病嘅病史或病癥；如果有披露過，基本上人壽拒保機會好高。

4. 如果冇披露病史，但又捱過咗不可抗辯條款（通常保單生效後兩年），係咪過咗海就神仙？保險公司不可抗辯前提係無蓄意詐騙。一張壽險保額去到幾百萬，3張加埋1600萬元，保險公司開file調查唔出奇。

5. 上述只係保險常識，未知悉實際情況，不宜猜測太多。但可以肯定嘅係，人命無價，尤其涉及無辜嘅小朋友，千萬、億萬都賠唔返。

[joe]

[mtr]

留言精華：

" 我有親友自殺死case申索賠償經歷:

親友屬個人自殺無其他刑事成份,警方一般由雜項調查組去跟進case,完結後警方再出案件報告.時間1-2個月算快,因查案無話'服務承諾'指定期內完成出報告-->>持警方案件報告,家屬先可以申請保險賠償.

而有涉及刑事的自殺個案,一般待CID查,再上法庭打官司就不知何時完結-->法庭判決有結果!!因法庭判決書先可申報保險賠償....

當保險公司收到警方報告/法庭判決書後再搵各種專業人士去比對保單條款內容與case 發生內容情況,作出評核去批賠償$$$等事宜,時間就更長...

所以自殺case申索時間通常都好耐.買保險時一般A進不會主動提及. "

[mtr]

"自殺等候期 原意係自殺係一時衝動

令被保人可以有時間諗清楚 或救助

至於隱瞞嚴重精神病病史，咁就睇下個客有冇睇過政府醫院精神科啦，如果佢係睇私家，咁就難搵D喇

點都好，佢太太及小朋友 如果屬於被謀殺，照理係一定要賠
不過受益人 如果死晒 ，咁就要俾遺產承辦人，又要等警方報告，法醫報告 等到唔知幾時….. "

[joe]