內地親友報料

發表人 **mtr** 發表於 2020-01-28, 15:57

廣東全省包括深圳特區已實施 "口罩令"，基本上所有人出街都要戴口罩。入地鐵站會有人同你量左體溫，無發燒才能放行，巡警及小區的實 Q 們在街上若見到你無戴口罩會先勸喻，若單位有口罩多會塞過比你要你馬上戴上，不聽勸告者會被強行帶走。

唔止主要旅遊景點，戲院同 "海底撈" 全部暫停營業，不少連鎖食肆商店響應防疫也無開，市面冷清。

口罩供應無疑緊張，但網購仍可以買到，唔似得 HK 咁，邊度聲稱有口罩賣就門口馬上有人排晒大隊，亦無學似 HK 不止口罩，連漂白水、消毒紙巾等也嚴重短缺。

醫院都幾多人求診，醫護本來人手還可以應付，但各省市都有呼吸科專家被中央抽調去湖北協助抗疫，變左唔夠醫護。

大家最擔心唔係而家，而係下周復工復市，各地勞動人口重新流動後的疫情。