準備裝修舊屋(都有十幾年冇裝修了),有幾個問題:-
1. 現時一個電位大概要幾錢,上次裝修見啲入牆電線都好似好雞吓,可唔可以自己買電線比師父做?有冇好啲嘅入牆電線介紹(另外會買HIFI 專用電線有唸過以前秋葉原 MAS 好似60 呎,不過秋葉原都好似冇咗 )?
2. 現時訂做入牆櫃(入屋訂做)又大概幾錢呎呀?
3. 屋内啲水銅喉,因幾 年前維修過,見啲喉好薄吓,個维修師父點一下就穿了,出面有冇啲厚料嘅 銅水喉 通買呀(厚身啲同最緊要係質量)
4. 另外見淘宝有啲油煙機止逆閥賣,唔知得唔得,大風或打風時會唔會啲油煙吹唔番出街?
5. 有冇啲好嘅抽油煙機同分體冷氣機介紹呀?(窗口機會買 P 記啲變頻冷暖窗口機 )
6. 雪櫃都係P 記或者日立 兩款二選一.
7. 上次用Grohe 水龍頭(浴室同廚房)都幾耐用,宜家唔知重係唔係襟用呢?
8. 施來德燈制重得唔得呀?
9. 唔知邊道重有英國 MK 金屬13A插座(好貴襟用)?
10. 宜家家用 lan 線入牆 用 CAT 6 定 CAT 8 好呢?
11. 洗衣機除咗Miele 外重有冇其他好介紹,因為可能擺唔落,雖然現在都係用緊Miele 不過係舊款比較短身.新款洗衣量大咗所以深咗(舊款 580MM 新款要 636或者 643 MM),師兄有冇其他好介紹呀?
11. 部光波爐剛剛壞了, 想買部蒸氣烤焗微波爐唔知又有冇好介紹呢?
12. 最後係想問問師兄,見 P 記IH電磁爐 最大火力都係 3.2 千瓦, 好似比明火差啲, 同唔知耐唔耐用呢(個輕觸式面板 panel 易唔易壞呀?)
唔該哂師兄們 !