https://www.facebook.com/starpropagc/po ... NFVUBGUShl
「影印契」/「無契」有幾大鑊？
唔單止好大機會上唔到會，層樓分分鐘即時變蟹貨，劈價三成都未必有人買！想避開呢個大伏？星之谷醒你以下兩招自保術！
第 1 招：問多一句，Keep Record
與地產代理及業主溝通時，一定要開口問清楚份樓契嘅狀況，係咪無契、補契或影印契，最好透過通訊軟件白紙黑字查問，並且要Cap圖做紀錄！費事日後口同鼻拗，口講無憑！
第 2 招：寫多一句，保障自己
簽臨約時，主動要求加入特定條款！例如，要求賣方喺臨約上白紙黑字聲明，樓契為「原裝樓契」，絕非補契或者副本／影印契。如果簽完先發現貨不對辦，賣方違反聲明，你就有權「踢契」，要求退返晒所有訂金同賠償買方佣金！記住，呢個係作為買家嘅權利，唔好怕醜去爭取！
臨約唔係廢紙！簽名要謹慎！
咪以為臨約無律師喺場就求其簽，臨約一樣具有法律效力！每一隻字都要睇清楚、諗清楚先好落筆簽名。唔好因為一時心急、俾人催，或者怕麻煩，就將自己嘅權益拱手相讓！
