https://www.facebook.com/IFC89/posts/pf ... tBg4samhZl
1. 公司醫保當個人醫保買？有agent近日話世上最好嘅保險係僱主幫你買嘅團體保險，因為有病史都買到，而且性價比高，住到半私家病房、包門診、牙科、body check，而且價錢劃一，一年7,000元。
2. 有病史買個人醫保唔容易，如果誠實申報，一定有exclusion或者charge額外保費，甚至直接拒保；蓄意漏報就自找麻煩。
3. 公司醫保就係個人醫保以外另一個遊戲，本身只係僱主可以買，保險公司並會要求僱員有限度申報，例如有冇患過癌症、心臟病、中風等危疾；亦有保險公司完全唔需要申報，有事的確係保到。
4. 好多人因為一離開公司就失去公司醫保而選擇唔轉工，可見呢個安全網威力幾大。
5. 不過，個人係點樣買到公司醫保？agent話好多人嘅屋企都有開公司，可以買公司醫保先，然後幫自己屋企有病嘅人（僱員）投保；而且唔驚斷保——因為唔會畀人炒。
6. 咁都得嘅話，其實再癲啲可以開空殼公司，搵齊一班老弱傷殘嘅人買公司醫保，代理賺佣金、病人賺醫療服務、社會冚家鏟了。
7. 公司醫保有分experience rating及pool rating，前者因為索償紀錄而釐定保費，有啲似車保嘅保費模式；後者就係會用成個pool嘅風險計算，有啲似自願醫保收費。
8. 玩得公司醫保當個人醫保賣嘅，應該要玩pool rating，否則用experience rating，好快個遊戲就玩完了。
