講小小以前考試考過既 case study

[mtr]

題目唔關大維侈事，但問同一樣野：公共行政其中一個重要議題：管治團隊發覺一個本質良好的政策，例如強制三十年樓齡以上的住宅每十年驗樓，每每執行時引起極大爭議，即天價維修，劣質維修，衍生龐大利益集團，而這利益鏈膨漲到足以嚴重威脅主要持份者，即住客的生命財產時，管治團隊應如何補救？ 這個 unintended consequence 應如何改善？

老師無提供標準答案。

當年小弟答卷，假設自己係一把手既做法：無聲無息地暫停這政策，即政府暫停再發出新一批強制驗樓令，直到確保有更有效的工程監察機制為止。當中會檢討由法團成立、組成及重選，到招標機制，到工程監督機制進行深入調研。已開工搭棚的繼續做，但會再集中和加強人手巡查及試用新監察機制，同埋一定唔比佢學似穗禾苑及宏福苑咁全部大廈一齊搭棚園網做。邊座開工至比圍網，完工馬上拆棚除網，搭左棚未開工個幢樓唔可以掛網。封窗以小弟舊居的大維修經驗，其實無必要，因為唔封窗最大代價，都只是個別單位焗住要做埋驗窗兼換窗而已，而且因為窗外已經有棚架，換窗重方便，省錢。收到驗樓令但業主大會未通過招標的，由得佢不了了之，將佢驗樓令的土地註冊紀錄靜雞雞移除。