上面呢首係佢既成名作,所以被請上去first take,而且已經係5年前
我去左睇香港呢場演唱會,呢隊樂隊我都係今年先開始聽,初時第一印象就係,首歌幾好聽.
然後再睇其他MV,點解用彊屍棺材做主題咁特別,就開始睇佢youtube既live,其實到個刻我都未有太大感覺,直到去演唱會現場,一切問題都解開了.
首先,佢同tuki.一樣都係有個main theme,而zutomayo都係以彊屍為主軸,感覺上幾新鮮,再睇佢寫既歌詞,其實有唔少作品都打動人心,好有意思.
令我最驚喜既係成場2個半鐘演出,中間有3段MC,都係講佢點創作呢次演唱會既軸心,然後特登讀慢D用AI做翻譯,同埋佢寫左張紙係用廣東話講野,雖然我只能聽7成估3成,但足以證明佢好有誠意同歌迷溝通,而演唱會中會有一首歌改成special arragement,保證唔同地方演唱都有少少唔同既歌單.
最近係有歌迷將Yoasobi,Zutomayo,夜鹿稱為夜三家,因為大家都係用夜晚做樂隊名,深夜聽真係唔錯.
youtube又好,blu ray碟又好,始終睇過現場先體會到呢隊樂隊既吸引力,大家可以試下聽呢隊樂隊,真心推薦
