同朋友捉姦在床真人真事、新鮮滾熱辣:
事發地點:天水圍某大型屋苑
時間:09-10-2009 零晨 3:00
事發經過:
原本我同個朋友兼同事尋晚要開通宵趕份 Project 明天開會用,
呢個開通頂既消息我地下晝 2:00 已經知道,
我個朋友即時打電話俾老婆話佢知要通宵,
咁一直做到 12 點幾上司打電話黎話個會取消,
咁我地仲唔拿拿聲閃咩,
小弟駕車送個朋友返屋企,
順便拎埋佢幫我買既魚竿,
去到佢屋企門口,無鐵閘得一度大門,
因為太夜既關係,同埋驚嘈醒佢老婆,
所以佢開門都好細聲,我亦都無出聲,
一入到屋第一時間聽到一對男女既對話聲,
仲以為佢老婆響度煲緊劇,
點知我個 Fd 一開房門就見到兩條肉蟲響張床度大戰,
但係我個 fd 第一個動作係關返度房門,
跟住坐左響廳既梳化,
一句聲都無去過,
2 分鐘之後我見到既係佢老婆同個姦夫行出黎,
我個 fd 竟然叫個姦夫走先,果一刻我好尷尬我應唔應該都走呢?
但係我好驚我個 fd 唔知會做咩野出黎。
所以我決定走左入廚房等佢地自己解決問題。
其實內容我都唔係聽得好清楚,因為我開住左部抽油煙機吸支煙仔:
內容大致如下:
男:點解你要咁做丫?
女:其實我未同你結婚已經同佢一齊,我地斷斷續續到依家。
男:我同你結婚 2 年,2 年黎你都有同佢咩?
女:係。
男:我辛辛苦苦做野,出糧成份糧俾晒你,我每日只係用 $50 蚊,你要乜就有乜,我仲對你唔好咩?唔怪得知每次我想做既時候,你都有籍口唔做喇,原來響出面食飽。
女:我知你對我好,係我對唔住你!
男:我有年半無同你做愛,我都無去叫雞或者搵其他女人,我地離婚喇!
女:對唔住。
跟住真係聽唔清楚喇,之後我個 fd 叫我走,跟住出左去酒吧飲酒,
其實係佢自己不停隊自己,見到佢咁我都唔知講乜好,最後車左佢去我屋企。到今日我返工佢都未起身,如有消息我會再 Update Post