玩 Hi-Fi ，冇錢攪器材，唯有攪間房

[kingleecm]

好正

[老化]

.....



鋼琴的中央 C 的頻率，是２６２ Hz 。

左面的所謂 “Mode Region” ，即係低音區，而右面的 “Diffusion / Ray Region” ，即係高，中音區。

哈，果個好心機佬，吾知去左邊。

call 極距都吾覆。

吾通距同隻 “拿” 去左外遊 ?

係就有排都冇得吹水 lor 。



講起又講，多得距講起鋼琴中央 C 的頻率，

果日，細佬我睇左 Dian Krall 隻新 DVD :“Live at the Montreal Jazz Festival” 。




呢隻 DVD 我幾中意睇， D 歌仔幾好。

不過，聽左上述 D 口水偉論，我先正發覺， E 隻 DVD 有樣正野。

原來有支鏡頭，響正阿靚 Diana 頭殼頂，向下直拍。

咁樣拍攝角度，阿靚女件低胸衫，係 ~~~ 見吾倒的 !

不過，又清楚見倒距兩隻手，彈緊邊 D 琴鍵。

稔番轉頭，阿好心大哥好似又幾飱 bor 。

阿靚女距，真係好多時，都係彈緊中央 C 左近果幾個鍵過 bor 。

[是旦]

擔登仔﹐亞頭位

[是旦]

我都想買呢只DVD﹐

[射擊人]

原來有支鏡頭，響正阿靚 Diana 頭殼頂，向下直拍。

咁樣拍攝角度，阿靚女件低胸衫，係 ~~~ 見吾倒的 !

真係掃興...

[茶母]

原來有支鏡頭，響正阿靚 Diana 頭殼頂，向下直拍。

咁樣拍攝角度，阿靚女件低胸衫，係 ~~~ 見吾倒的 !

真係掃興...

[老化]

各位 “巴打” ，高人，大大，前輩 …..



恭喜發財。

祝各位眼明耳靈，機如輪轉。

閒話少講，言歸正傳。

識 D D 吾識 D，扮晒代表的好心機佬

有關低音出現問題，如何解決的謬論
的第一篇。

好心機佬，響猴年教曉左細佬我，

原來音樂入面，屬於低音的部份，係相當多。

所以，如果低音攪得吾好，係好大影響。

我屋企，高，中，低，瓣瓣都吾妥，

於是，當細佬我順利過渡雞年之後，自然 "拿拿林" 捉距出泥，

飲茶灌水當然冇得走 ，跳舞睇戲都請埋，

想辦法同距再索纒料。


經過一輪功夫，距有以下山埃貼士提供，

至於信吾信得過，各位請自己執生。

[是旦]

你返來啦﹐ 等你好耐呀

[老化]

低音響房間容易出問題，主要有幾個原因。

低音的能量，不易被一般家居的物料吸收。

而低音的波長，比高，中音的波長，長得多。

同一道理，低音的波長，亦長過中低音的波長。




我問距，係咁，又有乜問題呢?

好心機佬答我 :

老兄，緊係有 lar 。

因為，呢 D 不易被吸收的低音，係會響間房間入面，

來來回回，撞來撞去，攪到 D 聲亂晒大龍。







加上，聲波 “相遇” 的時候，係吾會好似打 “士碌架” snooker 果陣， pink 波撞 黑波 咁，互相彈開。

兩個相遇的聲波，假如同相的話，就會做成一個雙倍波幅的聲波（見下圖）。



掉轉講，兩個完全反相的聲波，就會互相抵消。




而兩個稍為反相的聲波，就會 ….. （請自己睇圖，下省三百字）

[老化]

老兄，你要留意，最後提及的情況，

雖然幅圖只係顯示波幅加大左，

但其實，實際情況，同股票基金一樣，可升亦可跌。

所以，亦可以出現波幅減少的情況。



至於 D 聲個波幅，幾時會加大，幾時會減細，

咁就要視乎距地個波長，以及距地曾經經過的距離而定。



老兄，你想纒， Hi-Fi 音樂入面，同一時間，可以有幾多不同波長的聲音。

而且，響實際家居環境，可以有幾多吾同反射距離，與及吾同吸音（或反射）糸數的反射面。


咁你 E 加就應該會明白，點解一般家居入面，

低音的頻應曲線會變成，響呢個 thread 一開始果陣，我講比你知咁款 lar 。




【 AV100Fun 即時影像重播】

[老化]

上面幅圖，我以前 show 過比老兄你睇，而且，我重話 :

….. 你如果留意圖中８０幾 Hz 及１２０幾 Hz 等好幾處的低音谷，分別達十幾及幾十 db ，真係用埋 EQ 都未必攪得掂

果 D 低音谷，極可能就係因為反相的聲波，抵消了果幾個頻率的低音所做成。





除左上述之外，響房間入面撞來撞去的低音，好多時重會產生以下呢幾個問題。

有 D 頻段的能量，特別勁，頂晒出泥。

而且，果 D 頻段 D 聲長 “賴賴” ，慢吞吞，成幾秒都收吾切咁款。

重有 bor ，肥，腫，論盡的低音，

重好多時掩蓋埋音樂入面，高，中音的變化。

..... 再加上，如果有埋把女聲唱歌仔，不過，距唱到平鋪直敘，見字讀字。

成個 Twins 唱歌咁款，吾見左 D 喉底變化 .....

[是旦]

終於知道呢D圖係可以睇D咩架啦

[老化]

拿，老兄，如果你想知你間房 D 低音，邊 D 頻段容易爆鑊，

咁你可以先度下間房，長，闊，高 D 尺寸，

然後，跟住下面個方法做，就可以測度倒架肋。

聲音的波長，可以以下方法計算得出 :

波長 = 聲音的每秒速度，除以聲音的頻率

聲音的速度，因不同環境因素而受影響。

以 room treatment 的角度而言，音速可定為 約每秒１１３０尺。


依上述計算方法，

舉例，１００周的聲音的波長約為 １１.３ 尺，而 50 周的聲音，則約為 ２２.６ 尺。餘此類推。

相反， １００００ 周的聲音，波長短至約 １.３ 寸。

又有圖可以睇 :





低音聲頻之中的半波長，如果同間房的其中一個長度相同的話，

就即係果個長度的最低共振頻率（ lowest resonant frequency）。

例如，１６尺長度的最低共振點，應該係３５周

（１１３０除以３５等於３２尺。呢個係３５周的全波長。

它的半波長即係１６尺）。

換言之，最低共振點 = １１３０除以兩倍長度

除左基音（fundamental）之外，

果個聲頻的泛音（harmonics），亦會起（較基音弱的）共振。

所以，３５周的泛音，即係７０周，１０５周，１４０周

（即係 ３５ x ２ ， ３５ x ３ ， ３５ x ４） ….. 亦都係共振頻率。

[老化]

我話 :

喂，好心大佬，我好鈍個 bor ，長氣 D ，講多次得吾得?

好心機話 : no problem 。

再舉例，

一間２１尺，乘１２尺，乘８尺的房，

計算它的最低共振頻率如下




如果列一個表出泥，它的共振頻率如下圖

圖中圈住果幾個頻率，

係果一間房中兩個長度（例如，闊度和高度），都會引發的共振頻率。

[射擊人]

然後又點呀?