玩 Hi-Fi ，冇錢攪器材，唯有攪間房

[老化]

低音響房間容易出問題，主要有幾個原因。

低音的能量，不易被一般家居的物料吸收。

而低音的波長，比高，中音的波長，長得多。

同一道理，低音的波長，亦長過中低音的波長。




我問距，係咁，又有乜問題呢?

好心機佬答我 :

老兄，緊係有 lar 。

因為，呢 D 不易被吸收的低音，係會響間房間入面，

來來回回，撞來撞去，攪到 D 聲亂晒大龍。







加上，聲波 “相遇” 的時候，係吾會好似打 “士碌架” snooker 果陣， pink 波撞 黑波 咁，互相彈開。

兩個相遇的聲波，假如同相的話，就會做成一個雙倍波幅的聲波（見下圖）。



掉轉講，兩個完全反相的聲波，就會互相抵消。




而兩個稍為反相的聲波，就會 ….. （請自己睇圖，下省三百字）

[老化]

老兄，你要留意，最後提及的情況，

雖然幅圖只係顯示波幅加大左，

但其實，實際情況，同股票基金一樣，可升亦可跌。

所以，亦可以出現波幅減少的情況。



至於 D 聲個波幅，幾時會加大，幾時會減細，

咁就要視乎距地個波長，以及距地曾經經過的距離而定。



老兄，你想纒， Hi-Fi 音樂入面，同一時間，可以有幾多不同波長的聲音。

而且，響實際家居環境，可以有幾多吾同反射距離，與及吾同吸音（或反射）糸數的反射面。


咁你 E 加就應該會明白，點解一般家居入面，

低音的頻應曲線會變成，響呢個 thread 一開始果陣，我講比你知咁款 lar 。




【 AV100Fun 即時影像重播】

[老化]

上面幅圖，我以前 show 過比老兄你睇，而且，我重話 :

….. 你如果留意圖中８０幾 Hz 及１２０幾 Hz 等好幾處的低音谷，分別達十幾及幾十 db ，真係用埋 EQ 都未必攪得掂

果 D 低音谷，極可能就係因為反相的聲波，抵消了果幾個頻率的低音所做成。





除左上述之外，響房間入面撞來撞去的低音，好多時重會產生以下呢幾個問題。

有 D 頻段的能量，特別勁，頂晒出泥。

而且，果 D 頻段 D 聲長 “賴賴” ，慢吞吞，成幾秒都收吾切咁款。

重有 bor ，肥，腫，論盡的低音，

重好多時掩蓋埋音樂入面，高，中音的變化。

..... 再加上，如果有埋把女聲唱歌仔，不過，距唱到平鋪直敘，見字讀字。

成個 Twins 唱歌咁款，吾見左 D 喉底變化 .....

[是旦]

終於知道呢D圖係可以睇D咩架啦

[老化]

拿，老兄，如果你想知你間房 D 低音，邊 D 頻段容易爆鑊，

咁你可以先度下間房，長，闊，高 D 尺寸，

然後，跟住下面個方法做，就可以測度倒架肋。

聲音的波長，可以以下方法計算得出 :

波長 = 聲音的每秒速度，除以聲音的頻率

聲音的速度，因不同環境因素而受影響。

以 room treatment 的角度而言，音速可定為 約每秒１１３０尺。


依上述計算方法，

舉例，１００周的聲音的波長約為 １１.３ 尺，而 50 周的聲音，則約為 ２２.６ 尺。餘此類推。

相反， １００００ 周的聲音，波長短至約 １.３ 寸。

又有圖可以睇 :





低音聲頻之中的半波長，如果同間房的其中一個長度相同的話，

就即係果個長度的最低共振頻率（ lowest resonant frequency）。

例如，１６尺長度的最低共振點，應該係３５周

（１１３０除以３５等於３２尺。呢個係３５周的全波長。

它的半波長即係１６尺）。

換言之，最低共振點 = １１３０除以兩倍長度

除左基音（fundamental）之外，

果個聲頻的泛音（harmonics），亦會起（較基音弱的）共振。

所以，３５周的泛音，即係７０周，１０５周，１４０周

（即係 ３５ x ２ ， ３５ x ３ ， ３５ x ４） ….. 亦都係共振頻率。

[老化]

我話 :

喂，好心大佬，我好鈍個 bor ，長氣 D ，講多次得吾得?

好心機話 : no problem 。

再舉例，

一間２１尺，乘１２尺，乘８尺的房，

計算它的最低共振頻率如下




如果列一個表出泥，它的共振頻率如下圖

圖中圈住果幾個頻率，

係果一間房中兩個長度（例如，闊度和高度），都會引發的共振頻率。

[射擊人]

然後又點呀?　

[是旦]

死啦﹐ 開始好似個D“程式複習AV影音積率技術”咁深奧啦

[老化]

然後又點呀?　

射大大 :

然後點 ?

然後，果個好心機佬番左屋企餵妻 lor 。

[kingleecm]

然後又點呀?　

射大大 :

然後點 ?

然後，果個好心機佬番左屋企餵妻 lor 。

下回分解

[老化]

我之前未提過 “黃金比例” 呢樣野。

乜鬼係黄金比例?

就係間房的高，闊，長，的比例是 1 : 1.6 : 2.5 。

如果閣下間 Hi-Fi 房的尺寸係咁比例，contragulations ! 你執到肋。因為，照計你攪到靚聲的機會，會高好多。

First Impression Music 個老細阿馬睿（即是以前中環金絃個老板），距果間 超勁量 機房，就係招積到指明個判頭，要起一間係 1 : 1.618 : 2.558 比例的房比距嘆。

點解叫做“黃金比例”呢 ?

因為咁樣的房間，距長，闊，高的分別共振頻應，

都不會出現，好似上面例子的房間，重繍共振頻應這個現象。

[老化]

講到 E 度，我要老兄你留意，

任何房間都會有共振。

吾理你洗幾多錢，請幾多專家，裝幾多 room treatment ，

呢樣野仍然會響你間房出現。

所以， 擺位（不論係皇帝位定喇吧位）， room treatment ，

目的都只係，減少距地對音效帶來的不度影響。



上面已經講左點樣可以測度共振頻率。

以香港一般環境而言，用泥聽 Hi-Fi 的地方，通常

長１０尺，闊８尺，高８尺咁上下。

咁相信老兄你都計倒，

呢間房的最低共振點，

分別約莫係５６.５周，７０周及７０周，

以及距地的諧波。


結果 ?


簡單 D 咁講，響香港好多玩 Hi-Fi 的地方，

響百零至二百周呢個頻段，都好容易出現 booming 。

[老化]

再加上，好多朋友都係用書架喇吧，

因為物理定律所限，呢個 size 的低音單元，

距個低頻效應，一般而言，都係中低頻出得多過真正的低頻。



最後，我已經提過

….. 雖則理論上人耳可聞頻應係 20 Hz 至二萬 Hz ，實則我地只係對其中一段頻應，特別敏感。

據講，一般而言，我地係對語言頻段（約為５００ Hz 至 ５k Hz），特別敏感。

以上種種加埋一齊，

咁你話 lar ，想好聲 ? 係未有多少難度呢 ?


而且，如果我話，換部機，或者換條線，

就可以解決呢個問題，你信吾信 ?

[.sc.]

咁有乜計仔?

[裡原叔 - 阿神 -]

lee 個正正是在下個用泥聽 Hi-Fi 的地方的size