1. 幸運地，成套系統的聲底都幾夾，聲底都係厚暖斯文型，聽弦樂管樂唔錯
2. 先天所限，對喇叭個低音單元得110MM，部INT AMP的輸出係70W X 2 ＠ 8 Ohm,唔好期望呢套野可以做到咩「大場面」，播ROCK野我寫包單一定死硬！
低頻亦唔會潛得好深！不過低音都算係實實淨淨，唔會林果隻
3. 所以呢套系統，播小品野真係唔錯，講音色好過我之前用PRIMARE A30.1 推 PRIMARE L25（當然力水真係爭好遠，AMP的輸出少左一半，喇叭由座地
變左做細書架喎！）之前我試過成套PRIMARE一齊用，聲厚但慢，聽落有D「立」，家陣一套PATHOS推 DIAPASON，厚聲得黎唔太「立」，又算係有
進步啦！（當然，相對於市面上「爽聲」的系統，我套野唔稱得上快，哈）
4. 話說回來，力水不足始終係我套系統的死穴，重播鋼琴，或者播下大棚野（好似1812，天方夜譚，敲擊卡門）都係唔係好夠喉，如果換110 X 2 ＠8 Ohm的
LOGOS，相信效果會更好，但又係
的問題，所以都係算啦 
5. 小小總結，呢套野應付下結他，弦樂四重奏，播下蔡琴，鄧麗君，表現相當不俗；至於播擊鼓，管風琴，交響樂之類，就真係SORRY啦
要追求更全面的表現，我諗要成套野由頭到尾換過晒
但HIFI始終係好個人的玩意，幸運係我少聽大編制野，所以呢套野都應付到我的需要，否則都唔會買啦！
至於改善方面，我覺得有幾樣野可以執下
1. 首先家陣個擺位唔算好好，一邊貼晒牆，一邊離側牆老蓮咁遠
如果有機會執執個擺位，我諗個音牆闊度同深度都有幾大改善，但大家都知，屋企D傢私位點可能大執，最多都係TOE IN下，同埋響釘腳下加墊
2. 網上話PATHOS由MKII改MKIII反而衰聲左，查實成個設計唔覺有大改變，MKIII的機內接線仲改左做銀線，照計唔會差左。我認為最大問題係對膽由JJ轉左
做EH
因為小弟將EH換左做飛記JAN之後，D聲明顯開揚左好多，對前級膽似乎影響幾大。我手上仲有D AMPEREX，TESLA，SIEMENS 的舊膽，以膽較聲相信都係個幾有效的方法
3. 多得富豪C仗義借出兩對喇叭線，等我測試換喇叭線後的效果。實驗後，似乎換喇叭線的效果唔及換電源線咁大，不過家陣未試過吉番對古河上去，可能
返唔到轉頭又未定
點都好，家陣比我機緣巧合執到對喇叭線，如無意外四月就有得玩 
即管又睇下新線對我套系統有冇正面的幫助
4. 搞晒D線，會再試下落下D釘釘墊墊。以過往經驗計，釘墊係有一定效果，但又係要夾聲，還好又有富豪S借出墊材，可以比我做下實驗（順便響度講句唔好
意思，套墊要借咁耐
如果物主要回收請隨時通知小弟）
你老尾 