"即將踏入全年最差月份"

發表人 **mtr** 發表於 2024-09-30, 14:02

https://www.facebook.com/2pairup/posts/ ... FuLmx2ujrl

即將踏入全年最差月份，大家一定要小心！

點解今次呢篇文早咗出？因為想大家有個準備，早啲可以處理家中嘅吉凶位置。

下星期二(即Oct凌晨三點就會踏入 “寒露”，甲戌月正式開始。上個月講咗大家要小心手腳及利器，今個月首要小心腸病毒，今次嘅腸胃不適一定要小心，唔好掉以輕心。

當中如果生於Jan, Apr, July 或 Oct 嘅朋友會首當其衝，另外如果你係屬龍、狗、牛或羊就會更加嚴重。

今個月家中嘅大女非常難搞，要小心身體。大仔就非常好，學習能力提升。

香港行咗兩個月好運後，突然急轉差，大家一定要留意突發事故，如果有颱風，千萬唔好去海邊，個卦象係 “水淹”，水災事故成高危。

今個月好多國家或地區嘅領袖都會鑽牛角尖，因一念之差鑄成大錯，導彈及爆炸唔可以解決問題，希望人人冷靜，戰爭冇贏家！

今個月大凶位為東南，次凶為北。瞓喺全屋東南嘅朋友一定要放金屬物件化解，如手動嘅金屬鬧鐘或銅錢。如果可以日日大約5pm 響一響鬧鐘，就更加好。

記得如果屋企門口喺全屋嘅東南或北面，一樣都要處理。屬龍、狗、雞要小心。 (詳情Live 講）

狗狗主人要多啲陪狗狗。

大地震出現，台灣係高危。同今年Apr 嗰陣一樣，已經叫咗大家唔好去台灣，尤其係如果你屬龍或狗。台灣及菲律賓係高危嘅衰運區，除咗天災如地震及風災外，仲有人禍，大家一定要同台灣人民祈福，希望只係小損傷。

上兩個月講中咗個股市升，十月應該係大跌。如果揸住股票，可以慢慢減持。按推算十月中開始轉勢向下，但唔好問我幾號，我唔係神仙。正常情況下，會跌到十一月中。

黑暗月份，已經喺Threads 講咗，加埋維港出現水龍捲，千萬唔好信個市會好，唔好買樓住！