***** 此時此刻 對沖風險 比一切重要 *****

[mtr]

自有 "樓宇更新大行動"，住宅樓齡 > 30 年要每十年強制驗樓一次。每次無可避免要搭棚再掛網修葺，每次修葺 = 住宅內住客面對今次五級火災災民同樣風險！

此外，自 2024 年佐敦華豐大廈火災，消防處會發出具法律效力的消防令，強制要求樓齡 > 30 年以上的住宅更新公共地方防火設施。雖然消防令只屬一次性，不會要求每十年更新消防設施，但也有機會涉及需要搭棚的工程，例如大廈走廊和後樓梯要換消防處認可防火規格的雙層玻璃梗窗。

你重敢唔敢響一間樓齡 > 30 年的住宅大廈住？你重敢唔敢買一間樓齡 > 30 年的住宅單位？

又或，你打算置業，供三十年樓，你敢唔敢買二手樓？

[mtr]

如果你係退休人仕，有個樓齡 > 30 年既自住單位，你不如將佢放租，跟住響內地租一個單位，搬番內地住，當中放租香港單位與交內地租的差價，扣除香港單位的物管地租差餉後，分分鐘夠你在內地安享晚年。

如果你開始發覺自理能力有問題，在內地老人院住，香港收到的租金應該也可以 cover 到大部分居住成本。

[mtr]

如果你屬最高風險的情況：你自住單位未供完，窗外圍晒網，搭晒棚，窗戶給發泡膠板封住 ... 你無咩可以做，只能遊說父母 and/or 另外兩位長老比你，你太太同子女搬去佢地度住一段時間，直到你的單位完工拆棚為止。發生左如此震撼人心的火災，相信你的父母及另外兩位長老會體諒你一家的處境，如果佢屋企曾經大維修過，佢地會更易被你遊說。

[mtr]

此外，不論你屋企樓齡，以下 backup 你地趁明日和後日有假期一定要馬上做，點都會幫到你將來萬一不幸要 claim 家居財物保險。

個人絕不建議 scan 身份証，護照和回鄉卡，一旦洩漏風險太高。永遠將佢地放在一個距離自己 at arm's length 距離的証件套上，走火警時可以一隻手拎走。

彋圖漏左一種野。

如果有主要家電如洗衣機，空調，以及電腦影音器材的購買單據及相關投保証明如 Apple care , 最好都scan咗佢作雲端儲存以申索家居保險用

https://www.facebook.com/photo?fbid=130 ... 3231930211

[mtr]

又，如果聯名買樓做按揭，銀行通常除左要你給拉左既單位買火險外，可能重要買一份聯名保險。點保法？例如兩公婆聯名，但主要供樓為作全家經濟支柱的老公，老婆無做野，若老公不幸身故，老婆可獲這份保險賠償按左個單位未供完的銀行房貸。如果你供緊個間樓樓齡超過三十年，這類保險其實應該買，可以問下幫你承做按揭個間銀行或相熟的 mortgage broker。

[mtr]

目前家居火警主要原因：

一、屋苑大維修，這個較難避險，尤其是像今次災場那屋苑火警鐘無響過的情況。政府電視廣告教既做法，例如用濕毛巾封門口亦未必做得切。小弟只能話聽過一位火警時走唔到出去被逼縮響屋企廁所淋浴位置，整濕整個廁所，再用濕毛巾掩鼻，踎低等救援的街坊最終仍健在。

二、叉電器或舊電器短路，只要唔好訓著覺至叉電，跟消防處建議買個滅火筒放在家中屬可行辦法：

https://www.hkfsd.gov.hk/chi/fire_protection/pedp/

[mtr]

防煙面罩，如果被困家中，未必頂到今次咁長時間至救熄既大火，但如果有把握可以從後樓梯逃至安全地方，或上天台搏一搏，不妨配備。

https://www.firexfire.com/product-page/ ... mhs-kt-102

[streamboy]

[mtr]

屋宇署/消防處發出及註銷強制驗樓、修葺及消防令，都是具法律效力的命令，業主硬食，無得罷做，否則要上庭和罰款。

無理解錯，呢類命令響土地查冊 / land search 可以查到，但相信大部分街坊未必識點睇 land search record。

小弟已經聯絡幾位訂閱人數較高，與樓市分析相關的 youtubers，包括 "胡說樓市"、"諗 sir" 同 "黑糯米"，問佢地可否拍條片教大家點樣從土地查冊得知一個屋苑有無修到屋宇署/消防處發出的驗樓、修葺及消防令，以及睇唔睇到佢地註銷呢類命令既紀錄？而家置業/租樓人士最怕買/租一個已收到呢類命令但未動工搭棚既單位。

[joe]

[mtr]

最後忠告：如果計掂數，趁未收到強制驗樓令，盡快沽走樓齡 > 30 年的住宅物業，改為租樓住又好，返內地或其他生活成本較低的地方生活，你將來會否面對大埔災民同樣的慘況，可能就在這一決定。

小弟在香港有三個物業，一間香港自住，樓齡 10 年，無按揭，無問題。另一香港物業樓齡 > 30 年，間左房租比內地同學作其宿舍。屋苑七年前已完成第一次強制驗樓要求的大維修，好好租，但考慮到強制驗樓每十年一次，經過今次災難大火，會趁大眾淡忘此一慘劇趁機沽出，還有一間在珠海作度假和後備居所。小弟靠收租、股息和金融產品投機為生，間中做下 slasher，由司儀到網絡打手到選舉經理，有時間，個客信得過唔會走我數就客串下。像小弟可以在全球任何地方連線可工作交稿，無需每朝趕返工打卡的自由打工人，其實甚至不用在香港置業，因負擔不起新樓改買 > 三十年樓齡的舊樓，被逼冒可能因政府某些政策執行時的種種結構性甩漏導致家破人亡的風險！

[mtr]

甚麼是 "結構性甩漏" ? 呢位自稱建築師的連登仔幫小弟解釋左：

https://lihkg.com/thread/4033259/page/1

[joe]

[mtr]

Ordered

[joe]